اسمك وسنك ؟
محمد خلف / 17 سنة
بدات مشوار الديزاين ازاي ؟
الموضوع كان مجرد هوايه و وقت فراغ مش اكتر بس دعم اهلي و الناس حواليا دفعني اني اكمل حتى لو كان مجرد بوست على السوشيال ميديا.
نفسك توصل لي اي في الديزاين بعد كده؟
حاليا ممكن تركيزي اكتر على تحديد مستقبلي و اني مقبل على ثانويه عامه لكن اكيد الجرافيك ديزاين بالنسبالي حاليا هو اكتر من هوايه و ممكن اقرب لمصدر مال و اكيد هسعى ليه في المستقبل انه يبقي خطوه و نقله جديده على المستوي الشخصي.
اي الصعبات اللي وجهتك ؟
ممكن من اصعب المراحل اللي واجهتني هي اني اتأقلم مع أصدقاء في المجال باختلاف طريقه تنفيذ الديزاين و اني لسه حاليا شغال بالتليفون و كنت قادر اني اكون ند قوي ليهم و اني احيانا كنت اعلى من اشخاص كتير بفرق إمكانيات اكبر
كلمني عن انجازاتك؟
ممكن اكبر انجاز بالنسبالي هو وصولي للي انا فيه في السن دا و اني اول طالب يقدر يصمم ل 4 مدرسين مذكراتهم في نفس السنه الدراسيه و دي اكبر وسيله لشهرتي و معرفه مدرسين كتير ليا و بقي ليا شأن تاني اكبر بكتير
شايف من وجهه نظرك مراحل تطور المجال دا في مصر ؟
المجال دايما في تطور و تحديث كبير و دا ممكن بيبقي صعب على ناس كتير تواكب التطور دا و بالاخص ظهور الذكاء الاصطناعي و بنسبه كبيره قدر يطور من أداء المصممين باعلى مستوى.
و لكن وجهة نظري ان الذكاء الاصطناعي هو مجرد اداه العقل البشري هو اللي بيتحكم فيها مش العكس و اخيرا اتمني التوفيق لاي شخص في مجالي او اي مجال تاني.
0 تعليقات